Ölgerðin verður að athuga sinn gang

Best að vanda sig þannig að maður fái ekki málshöfðun yfir sig en:

"Í tilkynningu frá Ölgerðinni, sem flytur inn iðnaðarsaltið, er spurt hvort Íslendingar séu sáttir við að víðlesinn fréttamiðill segi þá hafa borðað götusalt í áraraðir."

Ég sem Íslendingur hef ekki neinar sérstakar áhyggjur af því hvernig því er lýst í einhverjum erlendum fjölmiðli hvað ég hef verið að borða en það að ég hafi í raun og veru, verið að borða salt sem er ætlað til iðnaðarnota í heil þrettán ár er eitthvað sem mér finnst gjörsamlega óásættanlegt.  Þeir sem hafa átt þátt í því eiga að horfa í eiginn barm og biðja þjóðina afsökunar. Innflytjandinn, matvælaframleiðandinn og eftirlitsaðilinn. Ég sé ekki annað en að þeir hafi allir brugðist hrapalega.

Og það að þetta salt sé í raun ekki mjög ólíkt venjulegu salti ætlað til neyslu er ekki nein einasta afsökun.

„Ekki á mína ábyrgð“

Já en...

Mér þætti gaman að sjá hversu mikið land reis árið þar áður og þar áður. Það er nefnilega þannig að jöklar taka frekar rólega við sér til minnkunar þegar það hlýnar í veðri og það sama má segja um jarðskorpuna undir jöklinum Hún tekur mjög rólega við sér og í raun afar rólega. Það ræðst reyndar af þykkt skorpunnar en undir Íslandi er jarðskorpan ekki jafn þykk og undir Grænlandi. Þess vegna tekur það jarðskorpuna lengri tíma að rísa á Grænlandi en á Íslandi.

Það er nefnilega þannig hefur mér verið sagt af fólki sem var að hefur mælt landris í Kanada að þar er land að rísa og það er talið hafa verið að rísa frá því íaldarjökullinn fór þaðan við lok síðasta jökulskeiðs fyrir svona 15 þúsund árum síðan.

Miðað við það þá finnst mér hæpið að Grænlensk grund sé á hraðri uppleið sérstaklega af því að það bráðnaði mikið á síðasta ári. Ég myndi sem sé vilja sjá tölur um stöðu lands á Grænlandi eitthvað aðeins aftur í tímann til að fréttin yrði sæmilega vitræn.

Grænland rís úr sjó

Batnandi fréttamennska mbl.is

Jakahröngl og skemmdir á vegi eftir Kötluskvettuna sumarið 2011

Þeim fer nú fram á Mogganum. Hér er fréttaefnið umfjöllun erlendra fjölmiðla. Það má eflaust telja frétt fyrir smáþjóð hvernig fjallað er um hana erlendis. Fyrir nokkrum mánuðum var hins vegar vinkill mbl á svipuðu máli dálítið einkennilegur. Þá var ályktun erlends fjölmiðils um Kötlu gerð að uppslætti hjá mbl og nýjustu fréttir um Ísland sóttar til útlanda.

Víða fjallað um Kötlu

Að leggja saman...

Ég ætla ekki að hafa sérstaka skoðun en velti því nú samt fyrir mér hvort það þurfi ekki að finna annað tákn en plús fyrir samlagningu.  Plúsinn er auðvitað ekkert annað en kross og hann má varla við hafa.

Bannað að fara með faðirvorið á aðventu

Að setja hlutina í samhengi: örugg löggjöf eða endalausar undanþágur

Sá kínverski vildi kaupa 300 ferkílómetra. Einhver fékk í sumar leyfi til að kaupa 15 hektara jörð. Fyrir þá sem eru ekki með stærðfræðina á hreinu þá sýnist mér að 300 ferkílílómetrar eru 30 þúsund hektarar eða tvöþúsund sinnum meira 15 hektara jörðin.

Þegar beiðnin um kaupin á Grímsstöðum kom fram þá sögðu einhverjir eins og t.d. Jóhanna Sigurðardóttir ef ég man rétt að það væri ekkert að óttast því hér á landi væri svo öflug löggjöf um allt sem við kæmi landakaupum og nýtingu lands. Og enda kom það á daginn. Það fyrsta sem þurfti að skoða var hvort það ætti að veita undanþágu og til að fá undanþágu þá hef ég vanist því að gera þurfi grein fyrir forsendum undanþágunnar, af hverju ætti að veita undanþágu og til hvers eigi að nota það sem undanþágan fjallar um. Í þessu tilfelli átti að reisa hótel og byggja golfvöll. Við svona frekar stuttlega athugun þá má gera ráð fyrir að lóð fyrir hótel gæti verið 10 hektarar fyrir hótelið (þetta er stærðin á tjörninni í Reykjavík svo eitthvað samhengi sé sett fram) og golfvöllur getur verið 150 hektarar (meira en tvöföld stærð golfvallarins við Grafarholt). Þetta gerir þá 160 Ha sem eru 1,6 ferkílómetrar. Hvað átti að gera við hina 298,6 ferkílómetrana hef ég aldrei heyrt neitt um og ef það fylgdi ekki í undanþágubeiðninni þá finnst mér nú að þessu sé sjálfkrafa hafnað.

Það vill nefnilega til að við erum með löggjöf sem má treysta á en ekki nema þeir sem fara með framkvæmdavaldið séu með eitthvert smá bein í nefinu en slíkt framkvæmdavald höfum því miður ekki alltaf haft.

Fjöldi eigna í eigu aðila utan EES

Ekki sérlega trúlegt

Mér finnst afar sennilegt ef spurt hefði verið fyrir þremur dögum hvort þetta gæti gerst þá hefði svarið verið nei. Reykjagarður hefði þá talið að mengunarslys af þessu tagi gæti ekki gerst.

Það sem einu sinni hefur gerst getur alltaf gerst aftur.

Getur ekki endurtekið sig

Að ljúga með tölfræði

Það að meirihluti landsmanna geti hugsað sér að kjós Ólaf Ragnar aftur sem forseta þýðir alls ekki að meirihlutinn vilji helst hafa hann áfram sem forseta. Til að þessi fyrirsögn "Meirihlutinn vill Ólaf Ragnar áfram" ætti rétt á sér hefði þurft að spyrja eitthvað á þessa leið: "Viltu hafa Ólaf Ragnar áfram sem forsta". Einhvern veginn held ég að niðurstaðan hefði þá orðið eitthvað önnur.

Meirihlutinn vill Ólaf Ragnar áfram

það er svo margt skrýtið í henni veröld

Mig rámar einhvern veginn í það að hafa fundist það frekar undarlegt að menn hafi farið félitlir til Rússlands með aflóga bruggverksmiðju frá Akureyri (eða þannig minnir mig að þetta haf verið) og hafi svo komið til baka nokkrum árum síðar og keypt Landsbankann og bara borgað út í hönd. Hvort þetta var svona man ég ekki gjörla en mér fannst þetta alltaf eitthvað undarlegt.

 

Skrifuðu meðmælabréf fyrir Björgólf

Skelegg stjórnun hjá Eimskip... það var imprað á þessu

Þau tíðkast nú stóru spjótin hjá stjórnendum Eimskipafélags Íslands. Þeir hafa imprað á því við sína starfsmenn að það eigi að fylgja lögum og reglum í landinu...

Að impra er skv. orðabók: "Minna á eða nefna (lauslega)".

Ef ég væri stjórnandi hjá Eimskip þá verð ég að játa að ég hefði kveðið sterkar að orði!

Þetta er reyndar skárra hjá Eimskip heldur en öðru fyrirtæki sem sérhæfir sig í að flytja gáma. Þar var beinlínis lagt til við starfsmenn eða þeim jafnvel fyrirskipað að brjóta umferðalögin. En það er önnur saga.

Bílstjórinn fékk aðvörun

Íslenskir karlmenn eru sko alls engar gúngur eða hvað?

Ég nennti nú ekki að lesa þetta allt. Held að ég sé íslensku karlmaður en kannast ekki mikið við að hafa talið mér eða öðrum trú um að ég hafi sérstkat fjármálavit. Hef enda aldrei auðgast neitt ógurlega og reyndar aldreii orðiðm neitt gjaldþrota heldur. En hvað ég best veit þá voru einhverjir kynbræður mínir fyrir nokkrum árum helst til duglegir að telja einhverjum útlendingum trú um að yfirburða getu sína í fjármálum... og þeir útlensku voru helst til duglegir að trúa því held ég.

Hlegið að Íslendingum